टी-ट्वान्टी अन्तर्राष्ट्रियमा रोहितको पहिलो अर्धशतक
शनिबार, १९ चैत २०७८, १३ : ३६
त्रिकोणात्मक टी-ट्वान्टी अन्तर्राष्ट्रिय सिरिजमा नेपालले मलेसियासँग प्रतिस्पर्धा गर्दैछ । त्रिवि क्रिकेट मैदानमा टस हारेर पहिले ब्याटिङ गरेको नेपालका लागि तेस्रो नम्बरमा ब्याटिङ गर्न आएका रोहित कुमार पौड्यलले अर्धशतक प्रहार गरेका छन् ।
३४ बल खेलेका उनले ५ चौका प्रहार गर्दै ५१ रन बनाए आउट भए । नेपालका लागि दिपेन्द्र सिंह ऐरीले ४६ रन बनाएका छन् । नेपालले तेस्रो ओभरको तेस्रो बलमा अफ्नो पहिलो विकेट गुमायो । नेपालका ओपनर कुशल भुर्तेललाई मलेसियाका मोहम्द वाफिकले १२ रनमा एलबीडब्लू आउट गराए ।
नेपालले चौथो ओभरको दोस्रो बलमा आफ्नो दोस्रो विकेग गुमायो । नेपालका आसिफ शेखलाई पवनदीप सिंहले १८ रनमा क्याच आउट गराए ।