अब ट्वीट सम्पादन गर्न सकिने, ट्वीटरले दियो जानकारी
बुधबार, २३ चैत २०७८, १५ : ४२
‘एडिट बटन’मा काम भइरहेको ट्वीटरले पुष्टि गरेको छ । यो सुविधापछि पोष्ट भइसकेको ट्वीटलाई प्रयोगकर्ताहरूले चाहनाअनुसार सम्पादन अर्थात ‘एउडट’ गर्न सक्नेछन् । टेस्लाका प्रमुख एलोन मस्क नयाँ सञ्चालक समितिमा आएपछि उनले आफ्ना फलोअर्सहरुलाई ट्वीटरको पोलमा यो नयाँ फिचर आवश्यक भए वा नभएको सोधेका थिए । धेरै प्रयोगकर्ताले एडिट बटनका लागि आग्रह गर्दै आएका छन् ।
ट्वीटरले यो नयाँ फिचरलाई आगामी महिनाहरुमा परीक्षण सुरु गर्ने जनाएको छ । ट्वीटरले भनेको छ,‘सबैले सोधिरहेका छन्, हो हामीले गत वर्ष देखिनै एडिट फिचरका लागि काम गरिरहेका छौ ।’ ‘हामीले यो विचार सर्वेक्षणबाट प्राप्त गरेका होइनौ,’ उसले थपेको छ, ‘हामीले आगामी महिनाहरुमा हुने गरी परीक्षण सुरु गरिरहेका छौ, सम्भव के हुँदैन र ?’’