कविता : जिन्दगी पहिरो
शनिबार, १८ असार २०७९, ०६ : ४२
असंख्य सपनाको भारी बोकेर
साकार पार्नको निम्ति
दौडिरहेछ त्यो एउटा मान्छे,
ऊ कहिले चोकमा भेटिन्छ
ऊ कहिले गल्लीमा भेटिन्छ
ऊ कहिले चौतारीमा भेटिन्छ
ऊ कहिले कार्यालयमा भेटिन्छ
ऊ कहिले घरमा भेटिन्छ
ऊ कहिले खेतबारीमा भेटिन्छ
हरेक समय उसलाई ठाउँ ठाउँमा देखिन्छ
थाहा छैन उसका असंख्य सपना
पुरा हुन्छन् या हुन्नन् ?
किनकि,
ऊ आफ्ना हजारौँ सपना बोकेर दौडिरहेकै छ
एकदिन उसको जिन्दगीमा बेतमासले
ठूलो आँधीहरु चल्नेछ
पुर्ने छ असंख्य सपनाका भारी
उडाउनेछ हजारौँ सपनाका लहर
अनि अर्धसपनामै उसको जिन्दगी
सधैँ सधैँको लागि समाप्त हुनेछ ।
खोटाङ