जेलबाट छुट्ने बित्तिकै खुकुरी प्रहार गरी श्रीमतीको हत्या
सिरहा – सिरहाको भगवानपुर गाउँपालिकामा आज मंगलबार दिउँसो एक व्यक्तिले खुकुरी प्रहार गरी पत्नीको हत्या गरेको छ ।
घरायसी बिवादमा दिउँसो ३ बजेतिर भगवानपुर गाउँपालिका १ निवासी बालकृष्ण यादवले खुकुरी प्रहार गरि आफ्नी पत्नी करिव २७ बर्षीया रामकला यादवको हत्या गरेका हुन् ।
घरायसी विवादमा बालकृष्णले प्रहार गरेको खुकुरी घाँटीमा लागेर रामकलाको घटनास्थलमै मृत्यु भएको इलाका प्रहरी कार्यालय लहानका डिएसपी हिराबहादुर पाण्डेले जनाए ।
श्रीमतिको हत्या गर्ने यादवलाई प्रहरीले नियन्त्रणमा लिएको जनाएको छ । रामकलाको शब पोष्टमार्टमका लागि लहानस्थित रामप्रसाद उमा स्मारक अस्पताल ल्याइएको डिएसपी पाण्डेले बताए ।
श्रीमतिको हत्या गर्ने बालकृष्ण लागु औषध मुद्दामा जेल सजाय भुक्तान गरि केही दिनअघि मात्र छुटेको जनाइएको छ । तीन सन्तान रहेका रामकला र बालकृष्णको करिब ९ बर्षअघि बिवाह भएको थियो ।