हैजा संक्रमितको सङ्ख्या ३७ पुग्यो
सोमबार, १६ साउन २०७९, २० : ५५
नेपालमा हैजा संक्रमितको सङ्ख्या ३७ पुगेको छ । स्वास्थ्य तथा जनसंख्या मन्त्रालयका अनुसार संक्रमितमा १५ देखि २४ वर्ष उमेर समूहका धेरै छन् ।
मन्त्रालयले जनाएअनुसार १५ देखि २४ उमेर समूहका ६ पुरुष र ४ महिला गरी १० जनामा हैजा संक्रमण पुष्टि भएको छ । १४ वर्षभन्दा कम उमेर समूहका ७ जनामा हैजा पुष्टि भएको मन्त्रालयले जनाएको छ ।
यस्तै, २५ वर्षदेखि ३४ वर्षसम्मका ४ जना महिला र २ जना पुरुषमा हैजा पुष्टि भएको छ । हाल ३ जना हैजाका बिरामी उपचाररत रहेको पनि मन्त्रालयले जनाएको छ । यस वर्ष असार २ गते पहिलो पटक राजधानीमा हैजा संक्रमण पुष्टि भएको थियो ।