आखिर छोरी न परेँ
हाँस्दा पनि सम्हालिनु पर्छ
बाहिर कति निस्किदा पनि ख्याल गर्नुपर्छ
भीडमा हुँदा डराउनुपर्छ
किनकि म छोरी हो नि त ।
एकान्तमा पनि डराउनुपर्छ
प्रत्येक क्षण लक्ष्मण रेखा ख्याल राख्नुपर्छ
सबै नियमको पालना गर्नुपर्छ
किनकि म छोरी हो नि त ।
बोल्दा सम्हालिएर बोल्नुपर्छ
हरेक संस्कारको ख्याल मैले मात्र राख्नुपर्छ
सबैलाई आदर अनि सत्कार मैले मात्र गर्नुपर्छ
छोरी हु नि म है ।
परिवारको इज्जतको कदर मैले नै गर्नुपर्ने
सहनशीलता अनि धैर्यता पनि म मा नै हुनुपर्ने
असल चरित्रको जरुरी मेरो मात्र हुनुपर्ने
छोरी भएर जन्मेपछि ।
बिहे अगाडि आमा बुबाको हुनुपर्छ
बिहेपछि सासू ससुरा अनि पतिको हुनुपर्छ
घरभित्र अनि बाहिर सबै जिम्मेवारी लिनुपर्छ
एउटा छोरी, अब बुहारी न परे ।
कहिले बुबा आमाको हुनुपर्छ
कहिले श्रीमान्को हुनुपर्छ
कहिले सासू ससुराको हुनुपर्छ
तर म आफ्नो कहिले हुनु पर्दैन
आखिर छोरी न परे ।।