महिन्द्रा बोलेरो पिक–अप गाडीले ल्यायो नयाँ योजना
काठमाडौं–नेपालका लागि महिन्द्रा युटीलिटी भेइकलको आधिकारिक विक्रेता अग्नि अन्तर्गतको गैर नाफामूलक शाखा अग्नि फाउन्डेशनले आफ्ना ग्राहकहरुका लागि ग्राहक सेवा प्रणाली ‘उदय सदस्य योजना’ सञ्चालनमा ल्याएको छ ।
यस योजनाले प्रत्यक्ष वा अप्रत्यक्ष रुपमा आफ्ना पूराना र नयाँ ग्राहकहरुलाई आर्थिक तथा गैरआर्थिक फाइदाहरु प्रदान गर्ने कम्पनीले जनाएको छ । यो योजना आर्थिक बृद्धि तथा समग्र व्यक्तित्व विकासको लागि फलदायी रहेको कुरा शुक्रबार कम्नीद्वारा जारी प्रेस विज्ञप्तिमा जनाइएको छ ।
कार्यक्रम अन्तर्गत महिन्द्रा बोलेरो पिकअपका ग्राहकहरुका छोराछोरीहरु मध्येबाट S.E.E मा उत्कृष्ट अंक प्राप्त गर्न सफल भएका २५ जना छात्रछात्राहरुलाई पुरस्कृत गरेको छ । फाउन्डेशनले यही मंसिर २९ गते नक्सालस्थित महिन्द्राको शो रुममा उत्कृष्ट हुन सफल भएका छात्रछात्राहरुलाई छात्रवृत्तिद्वारा सम्मानित गरेको हो ।
छात्रवृत्ति कार्यक्रममा अग्नि फउन्डेशनले उदय सदस्यहरुलाई रु.२ लाखको निःशुल्क दुर्घटना बीमा,लुब्रिकेन्ट तथा स्पेयर पार्ट्सहरुको खरिदमा १५ प्रतिशत छुट, निःशुल्क रुपमा मोबाइल रिचार्ज कार्ड जस्ता सुविधा समेत प्रदान गर्दै आएको छ ।
महिन्द्राले यस्ता आर्थिक सुविधाको साथसाथै सदस्यहरुलाई वार्षिक रुपमा गाडी सर्भिस क्याम्प तथा हेल्थ चेकअप क्याम्पको सुविधा पनि प्रदान गर्दै आएको छ ।