एक्सक्लुसिभ स्टोरी
युनिकोड
मिति रूपान्तरण
गजल
आइतबार, ०५ भदौ २०७९, ११ : ३६
जति माया थप्दै जान्छु उति टाढा हुन्छ्यौ तिमी
मनभित्रै पस्न खोज्दा किन बाटो थुन्छ्यौ तिमी ?
लोलाएका नयनको भाव मैले बुझिनँ र
मैले दिल छुन खोज्दा बाहिर मात्र छुन्छ्यौ तिमी !!
मुटु भए पुग्छ तिम्रो सोह्र शृङ्गार चाहिँदैन
देखावटी प्रेम गर्न किन पोते उन्छ्यौ तिमी
प्रेम भन्नु भावना हो दिएको छ ईश्वरले
प्रस्तावमै मुहार किन आँसु पोखी धुन्छ्यौ तिमी ?
नाफा–घाटा व्यापारमा हिसाब किताब हुन्छ होला
प्रेमरस प्युन माग्दा गाह्रो मानी रुन्छ्यौ तिमी !!
एकोहोरो प्रेम हुन्न तिम्रो अर्कैतिर होला !
भन अब मलाई छोडी कुन चाहिँलाई चुन्छ्यौ तिमी ?
-गुल्मी
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
