नेकपा एमालेको स्थायी कमिटी बैठक सुरु भएको छ । एमाले मुख्यालय च्यासलमा जारी बैठकमा चुनाव केन्द्रीत विषयमा छलफल केन्द्रीत रहेको एमाले उपमहासचिव पृथ्वीसुब्बा गुरुङले जानकारी दिए । 

बैठकमा मंसिर ४ गते हुने प्रतिनिधि सभा र प्रदेश सभा सदस्य निर्वाचनमा पार्टीबाट उम्मेदवार बन्न आवस्यक मापदण्ड तोक्ने तयारी छ । साथै यसअघि बसेको सचिवालय बैठकले गरेका निर्णय अनुमोदन गर्दै केन्द्रीय कमिटी बैठकका एजेण्डा तय गर्नेछ । 

पार्टीको आन्तरिक तयारी पूरा गरेर निर्वाचनमा होमिने योजनामा रहेको एमालेको सिंगो नेतृत्व निर्वाचनमा होमिने तयारी छ । एमाले स्थायी कमिटीपछि भदौ ९ गते पोलिटब्युरो तथा भदौ १० र ११ गते केन्द्रीय कमिटी बैठक बोलाएको छ । त्यस्तै भदौ १२ गते केन्द्रीय निर्वाचन परिचालन कमिटी बैठक बैठक सकेर नेताहरु निर्वाचनका ठोस योजनाहरू बोकेर गाउ तथा जिल्ला पस्नेछन् ।