बार्सिलोनाका उम्टिटी लेच्चेमा
शुक्रबार, १० भदौ २०७९, १० : ०५
बार्सिलोनाका डिफेन्डर स्यामुएल उम्टिटी इटालियन सिरी ए क्लब यूएस लेच्चेले अनुबन्धित भएका छन् । यो सिजन मात्र सिरी ए क्लबमा बढुवा भएको लेच्चेले उनलाई एक सिजनका लागि लोनमा अनुबन्ध गरेको हो ।
२८ वर्षीय डिफेन्डर उम्टिटी २०१६ मा लियोनबाट बार्सिलोना आएका थिए । उनले बार्सिलोनाका लागि १३३ खेल खेलेका छन् । क्लबमा उनले २ ला लिगासहित ७ उपाधि जितेका छन् ।
सन् २०१८ को विश्वकप विजेता उम्टिटीले राष्ट्रिय टोलीका लागि ३१ खेल खेलेर ४ गोल गरेका छन् ।