पेरिसडाँडामा तीज विशेष कार्यक्रम : माओवादी नेतृहरु नाचे छमछमी (तस्बिरहरु)
आइतबार, १२ भदौ २०७९, १९ : ३०
नेकपा माओवादी केन्द्रले आइतबार तीज विशेष कार्यक्रमको आयोजना गरेको छ । माओवादीको वाईसीएल केन्द्रीय महिला विभागको आयोजनामा पार्टी कार्यालय पेरिसडाँडामा आयोजना गरेको कार्यक्रममा महिला नेतृहरुको उपस्थिति रहेको थियो ।
कार्यक्रमलाई सम्बोधन गर्दै पूर्वसभामुख ओनसरी घर्तीले माओवादी जनयुद्धको बलमा नेपाली समाजमा आमूल परिवर्तन भएको बताइन् । उनले प्रचण्डले जनयुद्ध नगरेको भए आफू अहिलेको अवस्थामा हुन नसक्ने ठोकुवा गरिन् । ‘प्रचण्डले जनयुद्ध नगरेको भए म जेनतेन मास्टर हुन्थे हुँला । जनयुद्धले आमरुपमा परिवर्तन गरेको छ’, उनले भनिन् । यो क्रममा महिला नेतृहरुले छमछमी नाच्दै तीज मनाएका थिए ।
फोटो –कृष्ण खड्का