माओवादी केन्द्रले काठमाडौं क्षेत्र नंबर २ मा ओनसरी घर्तीलाई टिकट दिएको छ । सत्ता गठबन्धनले गरेको भागबण्डामा माओवादी केन्द्रको भागमा काठमाडौं-२ परेपछि अन्तिम समयमा आएर घर्तीलाई टिकट दिएको हो ।  यसअघि माओवादीका स्थानीय नेता कृष्णराज सुवेदीलाई टिकट दिने चर्चा चलेपनि उनले पाउन सकेनन् । 

सो निर्वाचन क्षेत्रबाट अघिल्लो प्रतिनिधि सभाको चुनावमा माधव नेपाल विजयी भएका थिए । त्यसअघि २०७० को निर्वाचनमा पनि माधव नेपाल विजयी भएका थिए तर उनी रौतहटबाट पनि विजयी भएकोले सो क्षेत्र छोडेका थिए । त्यसपछि भएको उपनिर्वाचनमा काँग्रेसका दीपक कुइँकेलले चुनाव जितेका थिए । 

२०६४ सालमा भएको संविधान सभाको पहिलो निर्वाचनमा भने माओवादीका झक्कुप्रसाद सुवेदीले माधव नेपाललाई पराजित गरेका थिए ।