आसन्न प्रतिनिधि तथा प्रदेश सभा सदस्य निर्वाचनका लागि बारा क्षेत्र ३ (ख) मा पारस साहले उम्मेदवारी दिएका छन् । साहले जनता समाजवादी पार्टीको तर्फबाट प्रदेशसभा सदस्य तर्फ उम्मेदवारी दिएका हुन् । बाराको ४ वटा संघीय र ८ वटा प्रदेशसभा सदस्य निर्वाचन क्षेत्र मध्ये बारा–३ मा संघ र प्रदेश दुवैमा एमाले–लोसपा गठबन्धन नहुने र मित्रवत प्रतिष्पर्धा गर्ने सहमती भएको छ । 

साह २०७५ मा तत्कालिन संघिय समाजवादी फोरमबाट निर्वाचित उम्मेदवार हुन् । बारा–३ मा संघतर्फ जसपा मधेस प्रदेश अध्यक्ष तथा निवर्तमान संघीय सांसद रामबाबु यादव, एमालेको तर्फबाट पोलिटब्युरो सदस्य ज्वालाकुमारी साह र सत्तारुढ गठबन्धनको तर्फबाट भने प्रमोद गुप्ताले उम्मेदवारी दिँदैछन् । 

स्थानीय तह निर्वाचनमा जसपाबाट उपप्रमुखमा पराजित भएका गुप्ता यसपटक लोसपामा पार्टी प्रवेश गरेर बारा ३ मा उम्मेदवारका लागि टिकट लिएका हुन् ।