समाजका चुनौतीहरूलाई सकारात्मकरुपमा समाधान गर्नुपर्छ : प्रकाशमान सिंह
नेपाली कांग्रेसका नेता प्रकाशमान सिंहले समाजका चुनौतीहरूलाई सकारात्मक रुपमा समाधान गर्न आवश्यक रहेको बताएका छन् । आइतवार काठमाडौंमा ‘ओभरलुक फेसेस अफ नेपाल’ नामक पुस्तक विमोचन गर्दै उनले यस्तो बताएका हुन् ।
नेता सिंहले आगामी दिनमा समाजमा रहेका हरेक चुनौतीहरूको सकारात्मक दृष्टिकोणबाट मात्रै सामना गर्न सकिने बताए । उनले समाजका चुनौतीलाई बोलेर नभइ कार्यान्वयनमा ल्याएर देखाउन जरुरी रहेको बताए । नेता सिंहले यतिबेला सबै राजनीतिक दल र नेताहरु आगामी प्रतिनिधि सभा र प्रदेश सभाको निर्वाचनमा ब्यस्त रहेकाले आफू पनि निर्वाचनमा लागिरहेको बताए ।
उनले आगामी निर्वाचनमा विजयी हुन आफ्नो टिम हरेक किसिमबाट लागिपरेको बताए । नेता सिंह कांग्रेसबाट सत्तारुढ गठबन्धनको साझा उम्मेदवारको रुपमा काठमाडौं निर्वाचन क्षेत्र नम्बर १ को लागि प्रतिनिधि सभा सदस्यको उम्मेदवार छन् ।