शिवको ‘छैन है गुनासो’ मा अन्जना र विक्रमको रोमान्स
बिहीबार, २४ कात्तिक २०७९, ११ : ०६
गायक शिव परियारको स्वर रहेको ‘छैन है गुनासो’ बोलको गीत भिडियोसहित सार्वजनिक भएको छ । प्रेम, रोमान्स र विरहलाई मुख्य विषय बनाइएको गीतमा अन्जना राउत, विक्रम बुढाथोकी र तेज बोगटीको अभिनय देख्न सकिन्छ ।
डीपी खनालको शब्द, नवीन कार्कीको संगीत रहेको गीतको म्युजिक भिडियो समेत निर्माण भएको छ । जसको निर्देशन विक्रम चौहानले गरेका हुन् । गीतले दर्शक श्रोताको मन जित्ने विश्वास निर्माता सुवास पुरीको छ । पुरीले यस अगाडि ‘बजाई देउ’, ‘कुरा काट्ने मान्छेले काटुन्’ लगायतको गीतले चर्चा पाएको थियो ।