अभिभावक र सन्तानबीचको सम्बन्धमा दरारको कारण के हुनसक्ला ? यसलाई कसरी सुधार्ने ?
अभिभावक र बालबच्चाको सम्बन्ध निकै करिब र शक्तिशाली हुन्छ तर ओभर प्रोटेक्टिभ, अत्यधिक नियन्त्रण र हस्तक्षेपका कारण थुप्रैपटक सम्बन्धमा तिक्तता आउँछ । यस्तो व्यवहारले बच्चाको मानसिक स्वास्थ्यमा गहिरो प्रभाव पार्न सक्छ । यद्यपि, यस्तो सम्बन्ध पनि दिगो हुँदैनन् तर यसलाई सुल्झाउन भने पक्कै पर्छ । एक सर्वेक्षणका अनुसार आमाबाबु र बच्चाबीचको सम्बन्ध केही कारणले झनै तितो हुन सक्छ । यसलाई समयमा नै बुझ्न धेरै महत्त्वपूर्ण हुन्छ । आमा र बच्चाबीचको तितो सम्बन्धलाई कसरी सुधार्न सकिन्छ भन्नेबारे जानकारी लिऔँ ।
आमाबाबु र बच्चाबीच तीतो सम्बन्धको लक्षण
आमाबाबु र छोराछोरी बीचको सम्बन्ध खराब हुने संकेत बाल्यकालदेखि नै देखिन्छ । यस्तो सम्बन्धले बच्चाको मस्तिष्कको विकास र क्षमतालाई असर गर्न सक्छ । यस्तो सम्बन्धको कारण, बच्चालाई सिक्न गाह्रो हुन्छ । यसका धेरै कारण हुन सक्छन्।
जीवनमा हस्तक्षेप
कुनै पनि कुरालाई आफ्नो तरिकाले पूरा गर्ने हठ वा आफ्नो इच्छाअनुसार छोरा–छोरीको जीवनमा हस्तक्षेप गर्नाले अभिभावक र बालबच्चाबीचको अस्वस्थ सम्बन्ध विकसित हुनसक्छ ।
थप नियन्त्रण
पढाईमा कुन विषय छनोट गर्ने, कुन कपडा लगाउने, कोसँग बिहे गर्ने र भविष्यमा कहाँ जाने जस्ता अनेकौं समस्याका कारण अभिभावक र सन्तानबीच तनाव कायमै रहन्छ । आमाबाबुको धेरै नियन्त्रणले बच्चालाई बन्धन महसुस गराउन सक्छ ।
अति सुरक्षात्मक
कतिपय आमाबाबुले आफ्नो बच्चाको अति सुरक्षा गर्छन् । जब आमाबाबुले सबै कुरा निगरानी गर्छन्, बच्चा बारे जानकारी लिए वा सबै कुरामा झगडा गरे तब बुझ्नुहोस् कि आमाबाबु र बच्चा बीचको दूरी आउनु निश्चित छ ।
यसरी बनाउनुहोस् सम्बन्धलाई सुमधुर
माफी माग्नुहोस्
माफी माग्दा आमाबाबु–बच्चाको टुटेको सम्बन्धलाई सुधार्न निकै सहयोगी हुनसक्छ । सम्बन्धमा अगाडि बढ्नका लागि यो निकै राम्रो तरिका हुनसक्छ । गल्ती सबैले गर्छन्– यही सोचेर यसलाई पुनः नदोहोराउनुहोस् र मनैदेखि माफी माग्नुहोस् ।
सुन्नुहोस् र बुझ्नुहोस्
एउटी आमाको कर्तव्य २४–७ को हुन्छ । यो असाध्यै थकित बनाउने काम हो । यस्तो अवस्थामा धेरै पटक आमा–बुवाले बच्चाको कुरा सुन्न र सल्लाह दिन बिर्सन्छन् । सम्बन्ध टुट्नुअघि नै आमाबुवा र छोराछोरीले एकअर्काको कुरा सुन्नुपर्छ र बुझ्ने प्रयास गर्छन् । यसले सम्बन्धलाई फेरि मीठो बनाउन सक्छ ।
तुलना नगर्नुहोस्
आफ्ना छोराछोरीलाई अरूसँग तुलना गर्नु ठीक होइन । यसले बच्चामा असुरक्षाको भावना पैदा गर्न सक्छ । यो बानीले सम्बन्धमा तीतोपन ल्याउन सक्छ । त्यसैले समयमै बच्चा भित्र लुकेको प्रतिभा खोज्ने प्रयास गर्नुहोस् । उनको कदर गर्नुहोस् । यसले सम्बन्ध सुधार्न मद्दत गर्नेछ ।
गोपनीयता आवश्यक
सबैलाई गोपनीयता चाहिन्छ । तपाईंको बच्चाको व्यक्तिगत जीवन होस् वा व्यावसायिक जीवन, तपाईंले उसको गोपनीयताको ख्याल गर्नुपर्छ । सन्तानलाई गोपनियता दिएमा दुवैको सम्बन्ध मीठो बन्न सक्छ ।
दबाब नदिनुहाेस्
बच्चालाई कुनै पनि प्रकारको दबाब नदिनुहोस् । यसले सम्बन्धमा तनाव र दरार पैदा गर्न सक्छ । कुनै पनि निर्णयमा आफ्नो बच्चासँगै हुनुहोस् र उसलाई दबाब नदिनुहोस् । दबाब दिए बच्चा तपाईबाट टाढा हुन सक्छ ।