उदयपुरमा ५३ प्रतिशत मत खस्यो
प्रतिनिधि सभा र प्रदेश सभा सदस्यको निर्वाचनमा उदयपुरमा ५३.०६ प्रतिशत मत खसेको छ । आइतबार भएको मतदानमा उदयपुरमा उदयपुरमा १ लाख २१ हजार ४७९ जनाले मतदान निर्वाचन कार्यालय उदयपुरका प्रमुख खेमराज कोइरालाले जानकारी दिए ।
उदयपुरमा २ लाख २८ हजार ९४६ मतदाता रहेका छन् । दुई प्रतिनिधि सभा र चार प्रदेश सभा सदस्यको लागि मतदान भएको थियो । उदयपुरमा १ सय १ मतदान स्थल र २ सय ६४ मतदान केन्द्र रहेका थिए ।
त्रियुगा नगरपालिका– ८ खाट मन्दिर आधारभूत विद्यालय मतदान स्थल नजिकै अज्ञात समूहले मतदान सुरु भएको केही समय मै मोबाइल बम विस्फोट गराएका थिए । प्रतिनिधि सभा निर्वाचन क्षेत्र १ को मतगणना त्रियुगा नमुना माध्यमिक विद्यालय गाईघाटको भवनमा र प्रतिनिधि सभा निर्वाचन क्षेत्र २ को मतगणना कटारीमा रहेको उदयश्री बहुमुखी क्याम्पस कटारीको भवनमा गर्ने व्यवस्था गरिएको मुख्य निर्वाचन अधिकृत कृष्णप्रसाद सुवेदीको जानकारी दिए । –न्युज कारखाना