कविता : तिम्रो जन्मदिनमा
शनिबार, ०९ पुस २०७९, ०९ : ५१
के दिऊँ उपहार भन तिमीलाई
तिम्रो आज जनम दिन हो
चढाउँछु अश्रु नयनभरीको
नमन गर्छु हृदय भरीको ।
बन्द आँखाबाट ध्यान गरायौ
ध्यानभित्रै जगत देखायौ
ध्यान र प्रेमको पाठ पढाइ
एक्लै मस्त हुने बानी बसाल्यौ ।
दूर जगतको परिचय गरायौ
साक्षी भावले हेर्न सिकायौ
बाहिर हेर्ने नजरलाई
आफूभित्रै स्थिर गरायौ ।
ज्ञानको ज्योति छर्न सिकायौ
एकान्तमा रम्ने बनायौ
जनम दिन भन कसरी मनाऊँ ?
ऋण यो तिम्रो कसरी चुकाऊँ ?
भक्तपुर