पञ्जाव– भारतको पञ्जावस्थित पठानकोटमा भारतीय सेनाको शिविरमा आतंककारी हमला भएको छ । उक्त हमलामा चारजना आतंककारीको मृत्यु भएको छ। यस्तै दुई भारतीय शैनिकको समेत मृत्यु भएको जनाइएको छ ।

शनिवार विहान करिव साढे चार बजे हतियारसहित प्रवेश गरेका आतंककारीले भारतीय सैनिकको शिविरमा उक्त हमला गरेको भारतीय सञ्चारमाध्यमहरुले जनाएको छ । भारतीय सञ्चारमाध्यमहरुका अनुसार आतंककारी हमलामा ६ जना भारतीय सैनिक समेत घाइते भएका छन्।

घटनास्थललाई अहिले पनि भारतीय सेनाका हेलिकोप्टरले निगरानीमा राखिरहेका छन्।

आक्रमणस्थल पठानकोट भारत–पाकिस्तान सीमाको सबैभन्दा नजिकको सीमा हो। यसैबीच दोहोरो भिडन्त भएपछि जम्मु कश्मिर राजमार्ग बन्द गराइएको छ। यस्तै सैनिक शिविर बाहिर ठूलो संख्यामा सुरक्षाकर्मी तैनाथ गरिएको छ।