मध्यरातमा पुरुषको सडकपेटीबाट उद्धार
चितवन– जाडोको समयमा चितवनको नारायणगढस्थित सडकपेटीमा कष्टकर जीवन बिताउँदै आएका एक पुरुषको उद्धार गरिएको छ ।
मानव सेवा आश्रमका संयोजक रामजी अधिकारीको नेतृत्वमा गएको टोलीले गएराति उनको उद्धार गरी आश्रम चितवनमा ल्याइएको छ ।
मानसिक समस्यासमेत रहेका उनको अहिले उपचार तथा मनोविमर्श सेवासमेत सुरु गरिएको आश्रमले जनाएको छ । उनको नाम ठेगाना खुलेको छैन ।
चितवनमा करिब एक महिनाको अवधिमा आश्रमले यस्ता सडकपेटीमा कष्टकर जीवन बिताउँदै आएका २८ जनाको उद्धार गरिसकेको जनाएको छ । आश्रमकी अभियान्ता रुपा केसीले खोजीखोजी यस्ता व्यक्तिलाई उद्धार गर्ने गरिएको बताइन् ।
आश्रमको मुख्य कार्यालय हेटौँडामा छ । अहिलेसम्म ३०० भन्दा बढीको उद्धार भइसकेको छ । करिब १०० जना परिवारमा पुनर्मिलनसमेत गराइसकेको छ ।
अहिले आश्रमले चितवनसहित हेटौँडा र काठमाडौँमा आश्रम सञ्चालन गरेको छ । यो अभियान देशव्यापी गराउने लक्ष्य रहेको अभियान्ता केशव अधिकारीले जानकारी दिए ।