श्रीमानको हत्या आरोप
आइतबार, २६ पुस २०७२, १५ : ०९
अछाम–यहाँकी एक महिलालाई शनिबार बिहान बन्चरो प्रहार गरेर श्रीमानको हत्या गरेको आरोप लगाइएको छ । मलातिकोट–५ ताली निवासी धनादेवी साउदले ३६ वर्षीय श्रीमान् लालबहादुरको हत्या गरेको तथा टाउकामा ठूलो चोट रहेको र कम्बलमा बेरेर भान्सामा लछारेर फालिएको अवस्थामा उनको शव भेटिएको प्रहरीले जनाएको छ । अभियुक्त धनादेवीलाई नियन्त्रणमा लिइएको अछामका प्रहरी प्रमुख प्रहरी नायब उपरीक्षक दिलीप सिंह देउवाले जानकारी दिए ।