बहुविवाह गर्नेलाई कैद सजाय
बिहीबार, ३० पुस २०७२, १७ : ३०
इलाम–बहुविवाह गरेको आरोपमा तीन महिनाअघि पक्राउ परेका दम्पतीलाई जिल्ला अदालत इलामले आज जनही एक वर्ष कैद र पाँच हजार जरिवानाको फैसला सुनाएको छ ।
न्यायाधीश नवराज दाहालको इजलासले बहुविवाह गर्ने इभाङ–४ का रन्धोज लिम्बू र कान्छी पत्नी फूलमाया राईलाई मुलुकी ऐन विवाहबारी महल ९ बमोजिमको कसूर गरेको पुष्टि गर्दै सोही महलको १० नं बमोजिम एक/एक वर्ष कैद र पाँच÷पाँच हजार जरिवानाको फैसला सुनाएको अदालतका नायब सुब्बा रबिन अधिकारीले जानकारी दिए ।
रन्धोजकी जेठी पत्नी पेमबेन हाङमा लिम्बूले उनीहरूविरुद्ध मङ्सिर २ गते जिल्ला प्रहरी कार्यालयमा किटानी जाहेरी दिएकी थिइन् ।