वीरगञ्ज - फोनबाट धम्की दिई पैसा माग्ने एक व्यक्तिलाई प्रहरीले पक्राउ गरेको छ । पर्सा जिल्लाको वीरगञ्जमा रहेको अशोक ईन्जिनियरिङ् वर्कशपका संचालकलाई फोनबाट धम्की दिने निखिल शाहलाई प्रहरीले पक्राउ गरेको हो । १७ वर्षीय शाहले फागुन १६ गते फोन तथा म्यासेज गरी ८० लाख रुपैयाँ माग्दै सो रकम उपलब्ध नगराए ज्यान मार्ने धम्की दिएका थिए । उनलाई फिरौती रकम लिन आउँदा फागुन १९ गते साँझ पर्सा जिल्लाको वीरगन्ज उपमहानगरपालिका वडा नम्बर ६ स्थित गेट रोडबाट पक्राउ गरेको थियो । शाहलाई धम्की दिने सिमकार्ड भएको मोबाईल सहित पक्राउ गरी अपहरण उद्योग शिर्षकमा मुद्दा दर्ता गरी थप अनुसन्धान भईरहेको प्रहरीले जनाएको छ ।