यसरी प्रहरीको नियन्त्रणमा प्रहरी नै परे
डोटी–डोटीमा प्रहरीको नियन्त्रणमा प्रहरी नै परेका छन । डोटीको सरस्वतीनगर ईलाका प्रहरी कार्यालय जोरायलमा प्रहरी र स्थानीयबीच हिजो साँझ भएको झडपको अनुसन्धान गर्नका लागि जिल्ला प्रहरी कार्यालय डोटीले प्रहरी र स्थानीय गरी चार जनालाई नियन्त्रणमा लिएको छ । इलाका प्रहरी चौकी इञ्चार्ज धनबहादुर नाथ, डिउटीमा रहेका प्रहरी जवान गोकर्ण बोहरा र मदिरा सेवनगरी कार्यालयभित्र पस्ने नरबहादुरकठायत र रबि कठायतलाई प्रहरीले नियन्त्रणमा लिएको छ ।
मंगलबार बेलुका स्थानीय र प्रहरीबीच झडप भएको थियो । झडपमा परी प्रहरी हवल्दार रमेश सिंह धामी र सिपाहीद्वय गोकर्ण बोहरा र कृष्णबहादुर चन्दलाई सामान्य चोटपटक समेत लागेको छ ।
घटनामा अनुन्धान गर्नका लागी प्रहरी र दुई जना स्थानीयलाई प्रहरी नियन्त्रणमा राखिने जिल्ला प्रहरी कार्यालय डोटीका प्रहरी नायब निरिक्षक डिल्लीराज बिष्टले बताउनु भएको छ ।
स्थानीय र प्रहरी चौकीमा रहेका प्रहरी बिच भएको झडप ईलाका प्रहरी चौकी बुडरबाट गएको प्रहरी टोलीले नियन्त्रणमा लिएको थियो