जे टु जे सम्मेलनबारेका हल्लाहरु निराधार : पोखरेल
मङ्गलबार, १६ चैत २०७२, १० : ०६
काठमाडौं– राष्ट्रिय पर्यटन पत्रकार संघ (नाटोज) ले अगाडी सारेको जे टु जे सम्मेलनको विषयमा फैलाईएका हल्लाहरु निराधार रहेको संस्कृति पर्यटन तथा नागरिक उड्डयन मन्त्री आनन्द प्रसाद पोखरेलले वताएका छन् ।
सोमबार नाटोजका अध्यक्ष शिव अधिकारी संग कुरा गर्दै मन्त्री पोखरेलले नाटोजसंग आफुले सहकार्य सुरु गरिसकेको र नाटोजका विभिन्न कार्यक्रमहरुमा आफुले जे टु जे को आयोजना सम्बन्धमा वारम्वार नाटोजसंगकै सहकार्यमा गर्ने वताउँदै आएको स्मरण गर्दै हल्लाको पछाडी नलाग्न सम्पूर्ण पर्यटन पत्रकार र व्यवसायिहरुलाई आग्रह गरे ।
केहि सञ्चार माध्यमले जे टु जे सम्मेलनको विषयमा हल्ला फैलाएको विषयमा आफु बेखवर रहेको वताउँदै मन्त्री पोखरेलले यसअगाडी पनि अन्तर्राष्ट्रिय बौद्ध सम्मेलनमा समेत नाटोजको प्रतिनिधित्व गराईसकेको समेत वताए । े
यसैविच नेकपा एमालेका पर्यटन विभाग प्रमुख सुर्य थापाले आफु नाटोजका गतिविधि देखेर प्रभावित भएको वताउँदै पर्यटन क्षेत्रमा गरिने जे टु जे र अन्य कुनै पनि कार्यक्रम पर्यटन पत्रकारहरुको राष्ट्रिय संस्था भएकोले नाटोजसंगको सहकार्य विना सम्भव नहुने वताए ।