पर्यटन बोर्डमा फोटो प्रदर्शनी सुरु
बिहीबार, १८ चैत २०७२, १९ : २७
काठमाडौं–नेपाल पर्यटन बोर्डले हरेक महिना आयोजना गर्दै आएको फोटो प्रर्दशनी बिहीबारबाट सुरु भएको छ । तीन दिनसम्म चल्ने प्रर्दशनी चिनियाँ सांस्कृतिक केन्द्रका निर्देशक यिन खुन सङ्गले उदघाटन गरेका हुन् ।
प्रदर्शनीमा नेपालको संस्कृति र जनजीवनसँग जोडेर खिचेका ८० फोटोहरु राखिएको छ । प्रदर्शनी आइतबारसम्म चल्नेछ ।
पर्यटन प्रवर्द्धन गर्ने उद्देश्यले हरेक महिना यस्तो प्रदर्शनी आयोजना गरिँदै आएको पर्यटन बोर्डका सिइओ दिपक कुमार जोशीले बताए ।
उनले चीन नेपालका लागि मुख्य पर्यटन बजार भएका कारण चीनमा नेपालको प्रबर्द्धन गर्न यस्ता प्रबर्द्धनात्मक कामहरु अबका दिनहरुमा सधैं सहकार्यका साथ गरिने पनि बताए ।