अभागी बैंग्लौर : फेरि उपविजेतामै सिमित
बैंग्लुरु – रोयल च्यालेन्जर्स बैंग्लोर तेस्रो पटक इन्डियन प्रिमियर लिगको फाइनलमा पुगेर उपाधि जित्नबाट बञ्चित भएको छ । आइतबार राती आइपीएलको नवौं संस्करणको फाइनलमा सनराइजर्स हैदराबादसँग ८ रन ले पराजित हुँदै बैंग्लोर पुनः एक पटक दोस्रो स्थानमा चित्त बुझाउन बाध्य बनेको छ ।
यसअघि सन् २००९ र २०११ मा पनि बैंग्लोर उपविजेतामा सिमित बनेको थियो । यता पहिलो पटक फाइनलमा पुगेको हैदराबादले भने पहिलो पटकमा नै उपाधि उचालेको छ ।
जीतका लागि २ सय ९ रनको लक्ष्य पाएको बैंग्लोर निर्धारित २० ओभरमा ७ विकेट गुमाउँदै २ सय रनमा सिमित बन्यो ।
ओपनरद्वय क्रिस गेल र विराट कोहलीले बैंग्लोरलाई उत्कृष्ट शुरुवात दिलाए पनि टोलीलाई जीत भने दिलाउन सकेनन् । दुवै ओपनरले आक्रम अर्धशतकीय पारी खेले । गेलले मात्र ३८ बलमा ७६ रन तथा विराट कोहलीले मात्र ३५ बलमा ५४ बल बनाउँदै पहिलो विकेटको लागि १ सय १४ रनको योगदान गरे । तर, दुवै आउट भएपछि अन्य ब्याटसम्यानहरु खुलेर खेल्न सकेनन् र खेल गुमाउनु पुग्यो ।
प्लेयर अफ द म्याच घोषित बेन कटिङले २ विकेट लिए ।
यसअघि कप्तान डेभिड वार्नरले आक्रमक इनिङ खेल्दै हैदरावादलाई विशाल लक्ष्यतर्फ डोर्याएका थिए । वार्नरले आइपिएलको सर्वाधिक तीव्र गतिको अर्धशतकको किर्तिमान समेत बराबरी गरे ।
वार्नरले मात्र ३८ बलमा ८ चौका र ३ छक्का प्रहार गर्दै ६९ रन बनाए भने अर्का ओपनर शिखर धवनले २८ रन बनाए । त्यस्तै युवारज सिंहले पनि ३८ रनको महत्वपूर्ण योगदान दिए ।
कटिङले खेलको अन्त्यतिर आक्रम ब्याटिङ गर्दै ३९ रन बनाएपछि हैदराबादले ७ विकेटको क्षतिमा २ सय ८ रन बनायो । बैंग्लोरका लागि क्रिस जोर्डनले सार्वधिक ३ विकट लिए भने श्रीनाथ अर्विनले २ विकेट लिए ।
बैंग्लोर हार्नुका ५ कारण
-अन्तिम ओभरमा रन रोक्न नसक्नु
-क्रिस गेलले गरेको क्याच मिस
-शेन वाटसनको खराब खेल
-विराट कोहलीको गलत निर्णय
-एबी डिभेलियर्सको गलत शट