साइक्लिङ टुरिजमको नयाँ गन्तब्य खोज्दै युवाहरु
इटहरी– सुनसरी आसपासका क्षेत्रमा साइक्लिङ टुरिजमको विकासका लागि सक्रिय भएर लागेका युवाहरुले थप नयाँ गन्तव्य पत्ता लागाउँदै यस क्षेत्र तर्फ आन्तरिक पर्यटकलाई आकर्षित गर्न थालेका छन् । सुनसरीका विभिन्न स्थानका युवाहरु साइकल पर्यटनको प्रचार र विकासमा जोडतोडका साथ लागेका हुन् । साइकलमा मेची माहाकालि यात्रा गरिसकेका इटहरीका कमल श्रेष्ठले पूर्वी नेपाल साईक्लिङका लागि उपयुक्त स्थान भएको बताए । उनले स्वास्थ्यको लागि साईक्लिङ लाभदायक समेत भएको हुनाले सबैले यसलाई अपनाउनु पर्ने बताए । त्यस्तै अर्का साइक्लिस्ट युवराज कार्कीले मानिसको भागदौडपुर्ण जीवनमा स्वास्थ्य प्रति ध्यान नगएको हुँदा यसको प्रयोग आवश्यक रहेको औँँल्याए । उनले साइकलको माध्यमबाट स्वास्थ्यको सुधार सँगै पर्यटन विकासमा समेत टेवा पु¥याउने हुँदा आफ्नो टिमले थप नयाँ स्थान पहिचान गर्न लागेको बताए । सुनसरीको कोशी टप्पु बन्य जन्तु आरक्षण आशपास, चारकोशे झाडि, तालतलैया, हसिना सिमसार क्षेत्र, भवानीपुर जँगल, गोकुल रिसोर्ट, मोरङको चारकोशे झाडि र वेतना सिमसार क्षेत्र, भेडेटार राजारानी लगाएतका पर्यटकिय स्थललाई साइक्लिङ टुरिजमको उपयुक्त गन्तव्य स्थलको रुपमा लिइएको छ । धरानका कृष्ण केसिले नेपालका विभिन्न क्षेत्रका पर्यटकलाई पुर्व भित्र्याइ साइक्लिङ टुरिजमको विषयमा सम्भावना प्रस्तुत गर्न सके धेरै फाइदा लिन सकिने बताए । उनले धरानकै बुढासुब्बा, दन्तकालि, पिडेश्वर, विष्णुपादुकाको धार्मिक क्षेत्र, गोरखा स्मृती पार्क, सुनसरीको बराहक्षेत्र लगाएत साइकल पर्यटक लोभिने स्थान रहेको बताए । उनिहरुले सुदुरपुर्वको लागि साईकल रुट समेत पहिचान गरिसकेका छन् । धनकुटाको भेडेटारबाट राजारानी, वुधवारे, राँके बजार बाट इलाम बजार हुँदै माइपोखरी र सन्दकपुर सम्मको यात्राको प्याकेजका लागि ५ दिन लाग्ने रुट तय भइसकेको छ । यो रुट हुँदै यात्रा गरे पुर्वका अधिकाश सुन्दर स्थलको अवलोकन गर्न सकिन्छ भने पुवी नेपाल र भारतका अधिकाँश हिमालय पर्वतको अवलोकन गर्न सकिने छ । पश्चिम दार्चुला देखि पुर्वको इलाम सम्मका लागि ४५ दिन लाग्ने खर्चिलो रुट यस अघि नै तय भइसकेको छ । तर लामो समय भन्दा छोटो दुरीका लागि यात्रि बढि लाभान्वित हुने हुँदा पुर्वको भेडेटार–इलाम रुट र सुनसरी मोरङ आसपासका प्राकृतीक तथा सांस्कृतीक सम्पदाको थप प्रचार प्रसार गर्न सके पुर्वका असंख्य साईक्लिङ पर्यटक भित्र्याउन सकिने सम्भावना देखिन्छ ।