डोटीमा हँसिया प्रहार गरी एकको हत्या
बिहीबार, २० जेठ २०७३, ०९ : ५७
डोटी– डोटीको महादेबस्थान गाविसमा एक जनाको हँसिया प्रहार गरी हत्या गरिएको छ । महादेवस्थान गाविस–८ स्याउलेका २४ वर्षीय रणबहादुर रोकायाको सोही ठाउँका भिमबहादुर रोकायाले हँसिया प्रहार गरी हत्या गरेको जिल्ला प्रहरी कार्यालय डोटीले जानकारी दिएको छ ।
हिजो बिहान मृतक घरमा पुगेका भिमबहादृुरले सामान्य विवाद भएपछि घरबाट हँसिया ल्यायर रणबहादुरको हत्या गरेका हुन् । धारिलो हतियार प्रहारबाट गम्भिर घाईते भएका रोकायाको उपचारका लागि कोहलपुर लैजाँदै गर्दा बाटोमा मृत्यु भएको जिल्ला प्रहरी कार्यालय डोटीले जानकारी दिएको छ ।
हत्या गर्ने भिमबहादुर रोकायालाई जिल्ला प्रहरी कार्यालय डोटीले नियन्त्रणमा राखेको छ । मृतकको शव जिल्ला अस्पताल डोटीमा पोष्टमार्टमका निम्ति राखिएको छ ।