ट्र्याक्टर दुर्घटनामा दुईको मृत्यु
बिहीबार, २० जेठ २०७३, १९ : १९
पर्वत– हुवास गाविस–३ हातेमालो चोकबाट त्रिवेणी गाविसको अर्थुङ्गेतर्फ जाँदै गरेको ट्र्याक्टर आज दिउँसो दुर्घटना हुँदा दुई जनाको मृत्यु भएको छ भने दुई जना घाइते भएका छन् ।
ढुङ्गा बोकेर अर्थुङ्गे जाँदै गरेको ग१त १८२९ नं को ट्र्याक्टर त्रिवेणी गाविस–९ हुलाकेटोलस्थित कच्ची सडकबाट करिब पाँच मि तल खस्दा उनीहरुको मृत्यु भएको हो । मृत्यु हुनेमा उरामपोखरा–५ पर्वतका २१ वर्षीय ट्र्याक्टर चालक वीरबहादुर नेपाली र स्याङ्जा विर्घा गाविस घर भई पर्वतको टकलाक बस्ने २२ वर्षीय सुरज विक रहेका छन् ।
दुर्घटनामा परी हुवास गाविस–३ का निखित गन्धर्व र टकलाक–१ का अर्जुन सुनार घाइते भएको जिल्ला प्रहरी कार्यालयले जनाएको छ । घाइतेलाई उपचारका लागि स्याङ्जाको वालिङ पठाइएको प्रहरीले जनाएको छ । तीव्र गतिका कारण दुर्घटना भएको प्रहरीले जनाएको छ ।