उदयपुरमा चट्याङ लागेर एकको मृत्यु
सोमबार, २४ जेठ २०७३, १३ : १३
उदयपुर– उदयपुरमा आइतबार दिउसो परेको चट्याङ लागेर एक पुरुषको मृत्यु भएको छ । पहाडी गाविस बाराहा २ का ५० वर्षीय सन्तबहादुर परियारको चट्याङले मृत्यु भएको स्थानीयले बताएका छन् ।
दिउँसो १ः०० बजे सामान्य वर्षासँगै परेको चट्याङले घरमै बेहोस् भएका परियारको केहीबेरमै मृत्यु भएको बहिनी अप्सरा परियारले बताइन् । चट्याङले उनको घरमा आगलागी भएको पनि स्थानीयले बताएका छन् । प्रहरीले विकट पहाडी क्षेत्रमा परेकाले खवर पाउ ढिला भएको जानकारी दिएको छ ।