सेयर बजार ३३ अंंकले बढ्यो
सोमबार, २४ जेठ २०७३, १७ : ०२
काठमाडौं–साताको दोस्रो दिन सोमवार सेयर वजारमा ३३.६६ अंकले वृद्धि भएको छ । सोमवार होटल समूहको वाहेक अन्य सवै समूहको कारोवार वढेको हो ।
पहिलो दिन आइतवार करिव ३५ अंकले गिरावट आएको सेयर वजार सोमवार भने बढेको हो । सोमवार सेयर बजारमा बीमा समुहको कारोवारमा सवैभन्दा वढी १७५.३५ अंकको वृद्धि देखिएको छ । अघिल्लो दिनआइतवार बीमा समूहको सेयर कारोवार २१९ दशमलव ४७ अंकले गिरावट आएको थियो ।
सोमवार बैंकिङ समूहको सेयर ३८, विकास बैंकको २५.५६, जलविद्युत समूहको सेयर कारोावारमा ५७.१६ अंकले वढेको छ । यस्तै, फाइनान्स कम्पनीको सेयर ६.७१ र अनइ समूहको कारोवारमा २.३४ अंकले वृद्धि देखिउको भएपनि होटल समूहको सेयर कारोवार भने ३९ .१४ अंकले घटेको छ । सोमवार १ सय ३४ कम्पनीको १६ लाख २२ हजार ६ सय २८ कित्ता सेयर खरिद विक्रिवाट एक अर्व १५ करोड १८ लाख ४४ हजार २४ रुपैयाँको सेयर कारोवार भएको छ ।