कतारमा एक नेपालीको मृत्यु
मङ्गलबार, २५ जेठ २०७३, १२ : २३
कतार– वैदेशिक रोजगारीका लागि कतारमा रहेका मोराहाङ–६ तेह्रथुमका टीकाराम थापाको सुतेको अवस्थामा मृत्यु भएको छ ।
तीन वर्षदेखि कतारमा कार्यरत थापाको मृत्युका कारण खुलेको छैन । कतारको दोहामा रहेको देर्बिस कम्पनीमा कार्यरत थापाको पोस्टमार्टम रिपोर्ट केही दिनमै आउने सोही कम्पनीमा कार्यरत मृतकका दाजु टंकबहादुर थापाले जानकारी दिए ।
न्यु तीनजुरे युवा क्लबका सक्रिय र मिलनसार सदस्य थापाले क्लबका लागि आर्थिकलगायत विभिन्न सहयोग गरेर गुन लगाएको क्लबका संस्थापक सदस्य रमिला राईले साइप्रसबाट टेलिफोनमा जानकारी दिइन् ।