त्रिपुराकोट—मौरे सडक खण्ड निर्माण कार्य सुरु
बुधबार, २६ जेठ २०७३, ११ : २७
डोल्पा –डोल्पालाई राष्ट्रिय सडक सञ्जालमा जोड्नका लागि त्रिपुराकोट—मौरे सडकखण्ड निर्माणकार्य सुरु गरिएको छ । जिल्ला विकास समितिको ३७ लाख सहयोगमा त्रिपुराकोट गाविसको वडानं २ बगरमा रहेको काठेपुल देखि सोहि वडाकै धुती बिसौनासम्मको एक किलोमिटर मिटर सडक निर्माणगर्न लागिएको निर्माण समितीका सचिव तुल बहादुर बोहोराले बताए । मौरै त्रिपुराकोट सडकको दुईकिलोमिटर सडकखण्डमात्र चट्टानयुक्त भएपनि बाँकीसबै कमसलमाटो भएकाले डोजरले कम समयमानै धेरै निर्माणकार्य गर्नसकिने बताइएको छ ।