‘राष्ट्रिय सहमतिका लागि माओवादी केन्द्र क्रियाशील’: बादल
बुधबार, २६ जेठ २०७३, १९ : ३३
पाल्पा– नेकपा (माओवादी केन्द्र)का नेता रामबहादुर थापा बादलले राष्ट्रिय सहमतिको सरकार निर्माण गर्न पार्टी क्रियाशील रहेको बताएका छन् ।
पाल्पाको तानसेनमा आज कार्यकर्तासँगको भेटमा उनले पार्टीको नेतृत्वमा सरकार बनाएर जनताका समस्या हल गर्ने दावी गरे । नेता थापाले माओवादी कमजोर हुँदा जनताका जनजीविका र जनताका मुद्दा कमजोर भएकाले माओवादीको एकता भएको बताए ।
उनले अहिले माओवादीको पुनर्गठन गरेर नयाँ आधारमा पार्टी निर्माण गरेको र अब माओवादी पार्टी बलियो हुँदै जाने जिकिर गरे । रासस