ओखलढुंगामा पहिलो किस्ता बापतको ५० हजार बितरण शुरु
ओखलढुंगा – ओखलढुंगा जिल्लाका भुकम्पपीडितलाई अनुदान बापतको पहिलो किस्ता आजबाट बितरण गरिएको छ । जिल्लाको सल्लेरी गाबिसका भूकम्प पिडितहरुलाई पहिलो किस्ता बापतको ५० हजार आजबाट बितरण शुरु गरिएको हो ।
सो गाबिसका भुकम्प पिडितहरुलाई टुरीजम डेप्लप्मेन्ट बैकले रकम बितरणको जिम्मा लिएको बैकका सहायक मेनेजर बिबेक राज भन्डारीले जनकारी दिए । जस अन्तरगत आज २४ जना भुकम्प पिडितहरुले रकम बुझेका छन् । रकम बितरणका लागी सल्लेरी गाबिसका ३८ जना भुकम्प पिडितहरुको अधिकारीक नाम बैकंमा रहेकाले सहायक मेनेजर भन्डारीले बताए ।
उनका अनुसार बाँकी रहेका घरधुरीलाई भोली पनि बितरण गरिने छ । रकम लिनका लागी पीडितहरुले १ प्रति फोटो ,रकम सम्झौताको काजगाज, नगरिकताको फोटोकपी र सक्कली नागरीकता सहित ब्यक्ती स्वयमनै उपस्थित हुनु पर्ने बताईएको छ । भूकम्पपीडितहरु लामो समयको पर्खाईपछि भएपनि रकम पाएकोमा खुशी व्यक्त गरेका थिए । सो रकमले अब ओत लाग्ने ठाँउ बनाउने उनीहरुले बताएका छन् ।