आईएमई १६ औं वर्षमा प्रवेश
काठमाडौं – नेपालको अग्रणी रेमिटेन्स कम्पनी आईएमई लिमिटेड आजदेखि आफ्नो स्थापनाको १६ औं वर्ष प्रवेश गरेको छ ।
विविध सामाजिक कार्यक्रम सहित हरेक वार्षिकोत्सव मनाउँदै आएको यस कम्पनीले १५ औं वर्ष पुरा गरी १६ औं वर्ष प्रवेशको उपलक्ष्यमा रक्तदान सहितका विविध कार्यक्रम गरी मनायो । सामाजिक उत्तदायित्व अन्तर्गत स्वास्थ्य एवं सुरक्षा, सामाजिक सहयोग, शिक्षा र वातावरण जस्ता चार क्षेत्रमा कम्पनीले सहयोग पु¥याउँदै आएको छ ।
यसपटकको वार्षिकोत्सवमा सेन्ट्रल ब्लड ट्रान्सफ्युजन सर्भिस र नेपाल भोल्युन्टर ब्लड डोनर सोसाइटीको सहकार्यमा पानीपोखरी स्थित केन्द्रीय कार्यालय परिषरमा रक्तदान कार्यक्रमको आयोजना गरिएको थियो ।
त्यस कार्यक्रममा आईएमई र आईएमई ग्रुप अफ कम्पनीमा कार्यरत कर्मचारी, आईएमईका व्यावसायिक साझेदार एवं शुभचिन्तक सहित ७९ जनाले रक्तदान गरेका थिए । यसका अतिरिक्त १६ औं वार्षिकोत्सव मनाउदासम्म कम्पनीमा दश वर्ष सेवा गरेका अग्रज कर्मचारीहरु एवं विभिन्न विधामा उत्कृष्टता हाँसिल गरेका कर्मचारीहरुलाई सम्मान गरिएको थियो ।
वार्षिकोत्सव कार्यक्रममा शुभकामना व्यक्त गर्ने क्रममा अध्यक्ष ढकालले आईएमई स्थापनाका शुरुवाती चरण स्मरण गर्दै आम सेवाग्राही, कर्मचारी, व्यवसायीक साझेदार एवं शुभचिन्तक सवैको भूमिकाको प्रशंसा गरे ।
अन्तर्राष्ट्रिय स्तरको रेमिटेन्स सेवा प्रवाह गर्दै आएको आईएमई लिमिटेड सन् २००१ मा स्थापन भएको हो ।
आईएमई लिमिटेडसँग अहिले विश्वव्यापी रुपमा करिव एक लाख एजेण्ट आउटलेट , आन्तरिक रेमिटेन्स तर्फ १ सय ४० आईएमई सेन्टर ४ हजार ८ सय अन्य गरी करिव ५ हजार एजेण्ट आउटलेट रहेका छन् ।