सुनको मूल्य ३ सय महंगियो
शुक्रबार, २८ जेठ २०७३, १७ : ४४
काठमाडौं– नेपाली बजारमा शुक्रवार सुनको भाउ प्रति तोला ३ सय रुपैयाँ महंगो भएको छ । बिहीवार प्रतितोला ४ सय रुपैयाँ वढेको छापावाल सुनको मुल्य आज थप ३ सय रुपैयाँले बढेको हो ।
आज छापावाल सुन प्रतितोला ५५ हजार ९ सय रुपैयाँ पुगेको छ भने तेजावी सुन प्रतितोला ५५ हजार ६ सय ५० रुपैयाँमा कारोवार भैरहेको नेपाल सुन चाँदी व्यवसायी महासंघले जनाएको छ । यस्तै, चाँदीको मूल्य प्रतितोला ५ रुपैयाँले वढेर ७ सय ८५ रुपैयाँ पुगेको छ ।
बिहीवार छापावाल सुन प्रतितोला ५५ हजार ६ सय र तेजावी सुन प्रतितोला ५५ हजार ३ सय ५० रुपैयाँमा कारोवार भएको थियो । अन्तर्राष्ट्रिय बजार मूल्यमा भएको वृद्धिले नेपाली बजारमा पनि सुनको मूल्य वृद्धि भएको जनाइएको छ ।