ट्रकको ठक्करबाट साइकलयात्रीको मृत्यु
आइतबार, ३० जेठ २०७३, १० : २५
लहान - पूर्व–पश्चिम राजमार्गअन्तर्गत सिरहाको मिर्चैया नगरपालिकास्थित सडकमा गएराति ट्रकको ठक्करबाट एक साइकलयात्रीको मृत्यु भएको छ ।
पश्चिमबाट पूर्वतर्फ आउँदै गरेको ना५ख ३२१६ नंको ट्रक आफै अनियन्त्रित भई साइकललाई ठक्कर दिँदा साइकलमा सवार नाम, थर र ठेगाना खुल्न नसकेका एक जनाको मृत्यु भएको प्रहरीले जनाएको छ ।
ट्रकको ठक्करबाट गम्भीर घाइते भएका साइकलयात्रीलाई उपचारका लागि विराटनगरस्थित न्युरो पु¥याएकामा उनको उपचारकै क्रममा मृत्यु भएको इलाका प्रहरी कार्यालय, मिर्चैयाका प्रहरी नायब उपरीक्षक श्यामसिंह चौधरीले जानकारी दिए ।
ठक्कर दिने ट्रक र चालक इलाका प्रहरी कार्यालय, मिर्चैयाको नियन्त्रणमा रहेको बताइएको छ ।