लुम्बिनी समाजद्वारा अग्नी पीडितलाई सहयोग
गुल्मी – वैदेशिक रोजगारका लागि कुवेतमा पुगेका लुम्विनी अञ्चलवासीहरुले गुल्मीको बडागाउँ गाविसका अग्नी पिडितहरुलाई आर्थिक सहयोग गरेका छन् । लुम्विनी समाज नेपाल कुवेद नामक संस्थाले बडागाउँका अग्नी पिडितहरुलाई १ लााख ४० हजार रुपैयाँ नगद सहयोग हस्तान्तण गरेको हो । उक्त रकम समाजका महासचिव रुपेन हमालले सोही स्थानमा पुगी अग्नी पिडित उद्धार समितिलाई हस्तान्तरण गरेका हुन् । कुवेदबाट समाजका अध्यक्ष एचपी खत्रीले बडागाउँका अग्नी पिडितहरुको पिडाले आफुहरुको मन छोएको र तत्काल सहयोग संकलनमा जुटेको बताए । उनले थोरै भए पनि अग्नी पिडितहरुलाई सहयोग गर्न पाएकोमा सन्तोष लागेको बताउँदै सहयोग संकलनका सक्रिय भुमिका निभाउने नवलपरासी निवासी समाजका महासचिव रुपेन हमाल , पाल्पा निवासी सचिव नवराज पन्थी लगायत र सहयोगदाता सवै प्रति आभार प्रकट गरेका छन् । उनि गुल्मीका वासीन्दा हुन् ।