ज्यान मुद्दामा फरार युवक पक्राउ
मङ्गलबार, ३२ जेठ २०७३, १४ : ०१
बर्दिबास–ज्यान मार्ने मुद्दामा लामो समयदेखि फरार हुँदै आएको १ जनालाई प्रहरीले महोत्तरीको सुन्दरपुरबाट पक्राउ गरेको छ ।
गएराति प्रहरी चौकी मगरथानाबाट गएको टोलीले सुन्दरपुर १ का २८ बर्षिय अमरेश यादवलाई घरबाटै पक्राउ गरेको हो ।
अमरेशले वि. सं. २०७१ साल कात्र्तिक ८ गतेका दिन स्थानिय उपेन्द्रराय यादवलाई मरासन्न हुने गरि रडले कुटपिट गरेको प्रहरीले जनाएको छ । सो घटना लगतै फरार रहदै आएको अमरेश घर आएको सुराकी पाएपछि प्रहरी चौकी मगरथानाबाट गएको गस्ती टोलीले अमरेशलाई घरबाटै पक्राउ गरेको ईलाका प्रहरी कार्यालय गौशालाले जनाएको छ ।
पक्राउ परेको अमरेशलाई आवश्यक कारवाहीको लागि आजै जिल्ला पठाईने तयारी भईरहेको प्रहरी निरीक्षक शम्भु पोखरेलले बताए ।