सप्तरीमा बस दुर्घटना, ८ घाइते
राजविराज– पूर्वपश्चिम राजमार्ग अन्तर्गत सप्तरीको पोर्ताहा–८ मा मङगलवार बस दुर्घटनामा परि ८ जना घाईते भएका छन् । पूर्वबाट पश्चिमतर्फ जाँदै गरेको ना ४ ख ९८ नम्बरको बसले सोहि दिशाबाट गइरहेको ना ४ ख २८८२ नम्बरको बसलाई ठक्कर दिदाँ दुर्घटना भएको हो । दुर्घटनामा परि झापा तोपगाछी–६ का जमुना सार्कीको १७ महिनाका छोरा श्रवण सार्की, सुनसरी निवासी २५ बर्षिया सुस्मिता निरौला, सिरहा नगरपालिका–७ निवासी ३६ बर्षिय मोहन कुमार साह, सिरहाकै गोलबाजार–६ निवासी २० बर्षिया अनिता पासवान, सर्लाहीको औरही–७ निवासी ३२ बर्षिय मुकेश कुमार यादव, सोही ठाउँ निवासी १९ बर्षिय संजिव कुमार महतो, पर्साको विरगंज उपमहानगरपालिका–१९ निवासी ६९ बर्षिय ईन्द्र प्रसाद भट्टराई र सोही ठाउँ बस्ने ६० बर्षिया पुजा भट्टराई घाइते भएको प्रहरीले जनाएको छ । घाइते मध्ये नाबालकसहित तीन जनाको अवस्था गम्भीर रहेकोले थप उपचारका लागी बिराटनगर स्थित नोबेल अस्पताल पठाईएको तथा अन्य घाइतेहरुको भारदहस्थित स्थानीय क्लिनिकमा उपचार भइरहेको जिल्ला प्रहरी कार्यालय सप्तरीका प्रहरी उपरिक्षक भिम ढकालले जानकारी दिएका छन् ।