ब्राजिलका प्रशिक्षक डुंगा बर्खास्त
बुधबार, ०१ असार २०७३, ०७ : २३
ब्रासिलिया — कोपा अमेरिकाबाट अप्रत्यासित रुपमा समूह चरणबाटै ब्राजिल बाहिरिएपछि प्रशिक्षक डुंगा बर्खास्त बनेका छन् ।
सन् १९९४ मा ब्राजिललाई विश्वकपको उपाधि दिलाएका डुंगा सन् २०१४ मा दोस्रो पटक टोलीका प्रशिक्षक नियुक्त भएका थिए ।
तर, उनको टोली पेरुसँग पराजित हुँदै सन् १९८७ पछि पहिलो पटक कोपा अमेरिकाको समूह चरणबाट बाहिरिएको थियो ।
५२ वर्षीय डुंगा यसअघि सन् २००६ देखि २०१० मा ब्राजिलका प्रशिक्षक थिए । त्यतिबेला ब्राजिलले सन् २००७ को विश्वकपको उपाधि जितेको थियो ।
उनको स्थानमा कोरिन्थियन्सका प्रशिक्षक टिटे आउने अनुमान गरिएको छ । उनले क्लबलाई सन् २०११ र १५ मा ब्राजिलियन लिगको उपाधि दिलाएका थिए ।