उखु किसानद्वारा चक्काजाम
बुधबार, ०१ असार २०७३, १३ : ५६
रौतहट , असार १–उखुको भुक्तानीको माग गर्दै रौतहटका किसानहरुले जिल्लाको मध्यभाग बिरेन्द्र राजमार्गस्थित श्रीराम सुगर मिलको अगाडी गरुडामा चक्काजाम गरेका छन् ।
सैयौंको संख्यामा गएका उखु किसानहरुले मिलको मुलगेट अगाडी मुख्य बाटोमा बसेर बिहान ११ बजेदेखी १ बजेसम्म चक्का जाम गरेका हुन् । किशानहरुले मिललाई दिएको उखुको झण्डै ९० करोड रुपैयाको पटक पटक मागगर्दा पनी उद्योगपती दिवाकर गोल्छाले बेवास्ता गरीरहेका कारण बाध्य भई आन्दोलनमा उत्रीनुपरेको उखु उत्पादक संघका जिल्ला अध्यक्ष अशोक यादवले बताए ।
आर्थिक बर्ष २०७० देखी हालसम्मको उखुको करीब ९० करोड रुपैया मिलले नतिरी अनेक बखेडा गर्दै आएको किसानहरुको गुनासो छ।