आलोचना भएपछि अख्तियारले सच्यायो विज्ञप्ती
आइतबार, १२ असार २०७३, २१ : २५
काठमाडौं– अख्तियार दुरुपयोग अनुसन्धान आयोगले डाक्टर गोबिन्द केसी प्रकरणमा निकालेको विज्ञप्तीमा उनको मानसिक उपचार गर्नुपर्ने उल्लेख गरेकोमा सो प्रति विरोध सुरु भएपछि एकाएक सच्याएको छ ।
अख्यिार प्रवक्ता कृष्णहरि पुस्करले निकालेको विज्ञप्तीमा ‘बारम्बार आफ्नो न्यूनतम् आचरण र जिम्मेवारीको दायराबाट बिमुख डा केसीको मानसिक उपचारको शीघ्रातीशीघ्र उचित व्यवस्थाका लागि समेत आयोग सरकारसँग आग्रह गर्दछ’, भनिएको थियो । तर त्यसको विरोध सुरु भएसँगै विज्ञप्ती सच्याएर ‘बारम्बार आफ्नो न्यूनतम् आचरण र जिम्मेवारीको दायराबाट बिमुख डा केसीको स्वास्थ्य उपचारको शीघ्रातीशीघ्र उचित व्यवस्थाका लागि समेत आयोग सरकारसँग आग्रह गर्दछ’, बनाइएको हो ।