भक्तपुर – विभिन्न स्थानहरुमा आफै उम्रिएर रहेका गाँजाका वोटहरुलाई युवाहरुले लागु पदार्थको रुपमा प्रयोग गर्ने क्रम बढेपछि भक्तपुरका स्थानीय बासिन्दा र प्रहरीको सक्रियतामा नष्ट गर्ने अभियानले निरन्तरता पाएको छ ।

स्कुल तथा कलेजमा अध्यनरत विद्यार्थीहरुले एकान्त स्थानमा बसेर यस्तो पर्दाथ सेवन गर्ने क्रम बढेको जन गुनासो आएपछि उक्त अभियानको थालनी गरीएको महानगरीय प्रहरी परिसर भक्तपुर प्रवक्ता प्रहरी नायव उपरीक्षक शेखर खनाल जानकारी दिएका छन् । महानगरीय प्रहरी परिसर भक्तपुर मातहत कार्यालयहरुलाई प्राप्त निर्देशन दिई स्थानीयको सहयोगमा तिन दिन गाँजा फडानी गर्ने कार्य गरिएको प्रवक्ता प्रहरी नायव उपरीक्षक खनालले बताए । केही समय अगाडी प्रहरी र स्थानियको सक्रियतामो दुवाकोट, बालकोट, कटुन्जे लगायतका विभिन्न स्थानमा प्रहरीले कार्यालयहरुबाट विभिन्न स्थानमा गरी जम्मा १७ हजार ९ सय वोट गाँजा नष्ट गरेको थियो । असार १२ र १३ गते प्रहरीले नगरकोट, सुर्यविनायक, सुडाल लगायत स्थानबाट १७ हजार ६ गाजाँको विरुवा फाडाँनी गरेको खनालले जानकारी दिएका छन् ।