योगेशसँगको टक्करपछि पत्रकार भण्डारीद्वारा एमाले परित्याग
मङ्गलबार, १४ असार २०७३, १६ : ५१
काठमाडौं – पत्रकार खेम भण्डारीले एमाले परित्याग गरेको घोषणा गरेका छन् । उनले आफ्नो व्यवसायिक बाध्यता र विचार प्रवाहलाई फराकिलो बनाउन एमालेको साधारण सदस्यसमेत नरहने गरि पार्टी परित्याग गरेको बताए ।
तर, विगत केहि दिन यता भण्डारीले पार्टी सचिव एबं प्रचार विभाग प्रमुख योगेश भट्टराईको कार्यशैलीको सामाजिक सञ्चालमार्फत आलोचना गर्दै आएका थिए ।
उनले आफूले राजीनामा दिनुको कारण आफ्नो व्यक्तिगत र बाध्यताका परिणाम भएको दाबी गर्दै कुनै असन्तुष्टिका कारणले नभएको दाबी गरेका छन् ।
भण्डारी कञ्चनपुरका स्थायी बासिन्दा हुन् ।