भूकम्पपीडितलाई पहिलो किस्तास्वरुप डेढ लाख दिने कांग्रेस र सत्तापक्षबीच सहमति
बुधबार, १५ असार २०७३, १४ : ००
[caption id="attachment_55894" align="alignleft" width="840"] file photo[/caption]
काठमाडौं– सत्तारुढ दल र प्रमुख प्रतिपक्षी दल नेपाली कांग्रेसबीच भूकम्पपीडितलाई पहिलो किस्तास्वरुप डेढ लाख दिने सहमति भएको छ ।
आज बिहान भएको सत्तापक्ष र प्रमुख प्रतिपक्षी दलको बैठकबाट भूकम्पपीडितलाई पहिलो किस्तास्वरुप डेढ लाख दिने सहमति भएको राप्रपा नेपालका प्रमुख सचेतक दिलनाथ गिरीले रातोपाटीलाई जानकारी दिए ।
‘भूकम्पपीडितलाई दुई किस्ता गरी २ लाख सहयोग रकम दिने सहमति भएको छ, जसमा पहिलो किस्तास्वरुप छिट्टै डेढ लाख उपलब्ध गराइनेछ र बाँकी ५० हजार अर्को किस्तामा उपलब्ध गराइने सहमति भएको छ’, गिरीले भने, ‘ अब संसदको अवरोध हटेको छ । ’
उनले सहमति भएसँगै राहत तथा अनुदान वितरणसम्बन्धी कार्यविधि परितको प्रक्रियामा गइने भन्दै विश्ब बैंकसँग पनि यस विषमया छलफल गरिने बताए ।
यसअघि कांग्रेसले भूकम्पपीडितलाई एकमुस्ट दुई लाख दिनुपर्ने माग राख्दै आएपनि दलहरुबीचको छलफलका क्रममा लचकता अपनाउँदै डेढलाखमा सहमति जनाएको हो ।
संसद बैठक २ बजे
यसैबीच व्यवस्थापिका संसद्को बैठक दिउँसो तीन बजेको लागि बोलाइएको छ । बिहान ११ बजेको लागि बोलाइएको बैठक दलहरुबीच छलफल चल्दै गरेकाले तीन घन्टाका लागि पर सारिएको हो ।
आजको बैठकमा कुनै अवरोध नगर्ने कांग्रेसले जनाएको छ ।