नक्कली पेस्तोल देखाई धम्काएको आरोपमा पक्राउ
बिहीबार, १६ असार २०७३, १३ : १८
ललितपुर– ललितपुर उपमहानगरपालिका–७ प्यागल घर भई हाल हरिसिद्धि बस्ने ४५ वर्षीय बिकास महर्जनलाई नक्कली पेस्तोल देखाई धम्काएको अभियोगमा बुधबार प्रहरीले पक्राउ गरेको छ ।
विशेष सूचनाको आधारमा पुल्चोकस्थित कान्तिपुर हाईटबाट महर्जनलाई १ थान सक्कली सर्टगन सोको ४६ राउण्ड गोली र १ थान नक्कली पेस्तोल सहित प्रहरीले पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।