काठमाडौं–संस्थागत सामाजिक उत्तरदायित्व अन्तर्गत एभरेष्ट बैंकले काठमाडौंको पुरानो बानेश्वरस्थित रत्न राज्य उच्च माध्यामिक विद्यालयमा निःशुल्क पिउने पानीको व्यवस्था गरेको छ ।

एभरेष्ट बैंकले संस्थागत सामाजिक उत्तरदायित्वप्रति सदैव सजग रहेको जनाउँदै त्यहाँ रहेका विद्यार्थीका लागि पिउने पानीको व्यवस्था गरेको हो ।

बैंकले स्वास्थ्य, शिक्षा र पूर्वाधारका क्षेत्रहरुमा सामाजिक कार्यहरु पनि सञ्चालन गर्दै आएको छ ।

एभरेष्ट बैंकले हाल आफ्ना ६१ वटा शाखाहरु, ५ एक्सटेन्सन काउन्टर, २४ राजस्व संकलन काउन्टर र ८५ एटिएम तथा बृहत बाह्य सन्जाल मार्फत उत्कृष्ट सेवाहरु प्रदान गर्दै आइरहेको छ ।

बैंकले एसियन पेन्टस् न्युबिज ‘बेस्ट म्यानेज्ड कमर्सियल बैंक अवार्ड २०१३’ का साथै आब २०६८÷०६९ मा ‘वाणिज्य बैंक मध्येमा सर्वाधिक करदाता’को सम्मान प्राप्त गरेको थियो ।